Vertu velkomin í litlu ís- og súkkulaðibúðina okkar sem er staðsett inn í súkkulaðigerð okkar út á Granda. Hér er ekkert til sparað í skemmtilegum bragðsamsetningunum þegar kemur að ís og súkkulaðigerð og munu bragðlaukarnir syngja hástöfum og þakka þér fyrir að hafa gert þér ferð ferð í Omnom.

Ísréttirnir okkar eru einhversstaðar á milli bragðarefs og eftirréttar og öll krömbl og sósur eru gerðar í súkkulaðigerð af sérlegum pastry chef Omnom. Hver einasti réttur er búin til af mikilli alúð og einungis bestu hráefni notuð hverju sinni. Komdu og smakkaðu draumaísinn þinn en ekki biðja okkur um að búa til venjulegan ís með dýfu. Það kunnum við ekki. Það má einnig finna allt okkar súkkulaði í verslun okkar og við bjóðum ávallt upp á súkkulaðismakk fyrir viðskiptavini því það er mjög mikilvægt að hver og einn viti hvernig súkkulaðimanneskja hann/hún/hán er. Við bjóðum einnig um á skemmtilega árstíðabunda ísrétti og vörur og við mælum með að kíkja á samfélagsmiðlana hverju sinni til að sjá hvað er í boði. Já og eitt til viðbótar, það er opið hjá okkur alla virka daga milli 11-20 en eins og lífið sjálft þá stundum klikkar það. Við mælum alltaf með að kíkja á samfélagsmiðla áður en ferðinni er heitið út á Granda. Kíktu í heimsókn, við hlökkum til að sjá þig.