Aðventugjöfin okkar að þessu sinni eru girnilegar Omnom Beignets.
Beignet eru nokkursskonar kleinukúlur með gómsætri fyllingu. Þessi uppskrift er sannkallað jólaævintýri.
Omnom Beignet
450 gr hveiti
1 tsk þurrger
50 gr sykur
90 ml vatn
140 ml mjólk
50 gr smjör
1 egg
1 tsk salt
Kryddsykur
200 gr sykur
4 tsk mulin kardimommufræ
Aðferð
Byrjið á þvi að blanda saman sykri og kardimommufræjum.
Setjið hveiti, þurrger og sykur saman í hrærivélarskál.
Hitið upp vatn, mjólk og smjör, rétt þar til smjörið bráðnar og hrærið saman við eggið
Blandið út í hveitiblöndu og vinnið í hrærivél í ca 5 mínútur.
Smyrjið skál með olíu og setjið deigið í og látið lyft sér á volgum stað í 1 klukkustund.
Stráið hveiti á vinnuborð, setjið deigið á það og rúllið út deigið með kökukefli í ca. 1 cm þykkt.
Stingið út með útstungunarjárni 4cm breiðan hring og setjið á bakka með bökunarpappír
Látið lyfta sér í 20 mín
Hitið olíu í potti til að steikja í 150°c.
Steikið kúlurnar þar til gylltar á báðum hliðum, ca 4-6 mín, og passið að yfirfylla ekki pottinn
Takið úr feitinni og leggið á eldhúspappír og veltið svo strax upp úr kryddsykri.
Leyfið að kólna og fyllið með Bláberja-Balsamico súkkulaðisultu.
Bláberja-balsamik súkkulaðisulta
50 gr sykur
2,5 gr pektín (sultuhleypir)
500 gr bláber
300 gr sykur
90 gr Omnom Madagascar 66%, dökkt súkkulaði
50 gr Balsamik edik
Aðferð
Blandið saman 50 gr af sykri og pektíni
Blandið saman við bláberin og setjið í pott ásamt 300 gr af sykri og hitið við miðlungshita eða þar til fer að sjóða.
Sjóðið rólega í ca 10 mín
Saxið súkkulaðið og bætið saman við þar til vel blandað saman.
Leyfið að kólna og bætið saman við edikið.
Njótið aðventunnar!
